Vendi yne vertet eshte zhvilluar shume ne keto 20 vitet e fundit. Dhe kete nuk e them per te ironizuar jeten dhe shoqerine atje, sikunder e bej shpesh. Megjithate, ka shume "zhvillime" qesharake, imitime ose me mire mini-absurde-imitime te milionereve te huaj dhe te jetes se tyre, sic e lexojne ne palo-revistat e gossip italiane, franceze apo italo-franko-gjermanoperendimore.
Ne Tirane duhet te kete shume gallata te tilla, por une atje kam ndenjur pak dhe nuk njoh njerez qe vertiten ne rrethet e "zengjineve te rinj", per te qeshur me absurditetin dhe snobizmin e tyre.
Keshtu qe me mbetet te shkruaj vetem per ato qe mesoj per Korcen, shoqeria e te ciles eshte tejet provinciale dhe nje imitim i keq i imitimeve te keqia tiranase.
Ne Korce, industrialistet u shfaqen ne gjysmen e pare te viteve '90. I pari qe e pohonte shpesh qenien "industrialist" ishte furnitori i UMB-se Bece Dhima. Berti luftoi shume te mbaronte inxhinierine mekanike dhe megjithese ishte nje pingpongist i mire dhe klubi Studenti beri cmos per ta ndihmuar, pas 6 vjet studimesh nuk arriti te perfundonte dot vitin e dyte. Iku ushtar dhe me vone arriti te behej nje furnitor i suksesshem. Pas tregetise me tapete te te vjehrrit, ai dhe dy ortaket e tjere u detyruan nga Komandanti, te beheshin partnere me perqindje ne fabriken e privatizuar te Tullave. qe ne ate cast, edhe pse rrinte vetem ne bilardo dhe luante karamboll, sepse s'dinte te bente gje tjeter me mire, Dhima u ndje industrialist dhe bashke me te edhe te tjere te kallepit te tij.
Nuk di ne se industrialistet filluan te kthehen koleksioniste pas fitimeve "perrallore", por ka kohe qe shtepite dhe vilat ne Shqiperi po mbushen me piktura. Nuk ka asnje te keqe vec te mires. Te pakten brezat e rinj te "industrialisteve" dhe "tregetareve" do kultivojne shijen e te bukures, ngjyrave dhe raportit lule-peme-cati-re-qiell-lume dhe dallge deti. Qe kjo dukuri kishte arritur maja te larta, e kuptova gjate hyrjes me taksi ne Shqiperi me 2007. Shoferi me tregonte, qe per dasmen e njerit nga antaret e "bandes se cobeneve", i ishte kerkuar nga dhendri t'i sillte peshqesh pikture, mundesisht peisazh!!! (Nuk me ke zhgenjyer kurre Atdhe , po mendoj ne keto caste.)
Nuk kam qelluar te hyj ne shume shtepi ku muret rendojne nga tablote, por se fundi kam pare plot te tilla ne FB. Bile dje mesova qe "koleksionistet" e pikturave, hapin edhe per popullin ekspozita me "trofete" e tyre dhe nje e tille do celet ne dhjetor ne Korce, sikunder eshte bere edhe cdo vit nen kujdestarine e "koleksionistit" Peleshi. (Ah te kishim edhe nje Pikaso ose Brak!) Nuk di se te kujt i kane punet, se duhen pare ekspoziat, po ajo qe me pelqen me shume se cdo gje, jane emrat e disa perej koleksionisteve. Eshte interesante, se ata vijne nga fusha te ndryshme te jetes. Psh koleksionisti Van Nasse, nuk ka bere asgje ne keto 20 vitet e fundit, vec doganim-zhdoganimit te qendismave qe e jema jepte per te punuar tek grate e shkreta te Korces, por zhvilloi duke ndenjur kafeneve nje shije te vecant eper pikturen futuriste(kesaj ja futa kot).
Nje tjeter koleksionist i shquar eshte mesuesi modest i histroise Lorenc Gliozheni, i njohur si ndermjetesi i Nikos per ekspozitat personale te piktoreve jokorcare, te cilat hapeshin nen kujdesin e Bashkise, ne kembim te dhurimit te pikturave tek Peleshi e Gliozheni.
Po mbi te gjithe, me ka habitur berberi Vaske, djali i Qakos dhe Gallates, te cilet i kishin ushqyer qe ne femijeri djalit te tyre te madh, dashurine per te zbukuruar kokat e meshkujve te Korces dhe dashurine per portretet e Rembrandit.
Ne dhjetor ekspozita hapet!
Ne nje nga faqet kryesore do gjeni me te mirat e ketyre "koleksionisteve". Nuk di nese gjate kesaj kohe jane bere edhe industrialiste!
No comments:
Post a Comment