Në Maj Europa është para një prove të madhe. Ose më mirë të
gjithë institucionet stërmëdha të Europës së Bashkuar.Natyrisht problem më i
madh është për Gjermaninë dhe gjermanët, të cilët me meritë dhe shumë shumë
punë, ja kanë dalë të jenë në krye të Europës dhe të vendosin për çdo gjë me
rëndësi të saj. Gjermanët e thjeshtë, këtë ja atribuojnë kombit të tyre, por në
këtë mes ka edhe ca si hilera, të cilat ata që janë më të fuqishëm i bëjnë në
kurriz të më të dobtëve.
Po le të hidhemi në Anxhela Merkel, se analiza e politikave
ekonomike amerikane dhe gjermane, që sollën këtë gjendje të Gjermanisë do shumë
kohë dhe nuk është objekt i këtij shkrimi. Kancelarja gjermane, në një takim të
partisë së saj, duke trumbetuar politikën proeuropiane të politikanëve
kristian-demokratë Adenauer dhe Kol(pra edhe të sajën) përmëndi se në takimin
me kryeministrin shqiptar, kishte kuptuar edhe njëherë se ç’mrekulli kishin
bërë gjermanët në Ballkanin Perëndimor!
(Mrekullia nuk është Ed Rama, edhe pse si politikan shumë i
gjatë dhe i pashëm mund t’i bëjë përshtyje një mesogruaje me cilësi fizike jo
për tu admiruar.)
Sipas Merkelit, Ballkani Perëndimor, nga një vatër e
përhershme luftrash, tani është kthyer në një vend paqeje dhe për më tepër, 5
kryeminstrat e tij, para dokohësh kishin ngrënë drekë në një tavolinë diku në
Angli! Dhe kjo në sajë të politikës të zgjuar e largpamëse të Merkelit pra edhe
të CDU-së!
Po ç’është Ballkani i sotëm Perëndimor bashkë me 5
kryeminstrat e tij? 3 prej tyre ishin sllavë( Serbisë, Kroacisë, Maqedonisë)
dhe dy shqiptarët Thaçi dhe Rama.
Ballkani Perëndimor, i propaganduar nga Merkel, por edhe nga
politkanët vendas si një vend bashkëpunimi dhe paqeje, nuk është gjë tjetër veç
një kopje e Italisë së Jugut apo e një pjese të Rusisë. Vërtet ka bashkëpunim,
por midis grupeve mafioze, pjesë e të cilëve janë edhe politikanët e këtyre
vendeve. Bashkëpunimi mafioz(nëse mund ta quajmë bashkëpunim) konsiston në
ruajtjen e “statukuosë“, dëgjimin e këshillave të FMN-së dhe Bankës
Europiane(deri në masën ku nuk ju ndikon në fitimet personale), përuja para
gjermanëve dhe brukselistave të tjerë të fuqishëm dhe mashtrimi I popujve që
kontrollojnë. Kjo është PAQJA e sotme e Ballkanit të cilën kancelarja e quan
Mrekulli!
Sigirisht, që Merkel nuk është budallaqe, që këtë deklaratë
ta bëjë se beson në mënyrë naïve, se ç’farë i tha Rama në takim. Para takimit,
asaj I janë përsëritur jo vetëm gjendja e Shqipërisë dhe cilësitë politike e të
karakterit të Ramës, por i është treguar edhe ndonjë anekdotë, për ‘bëmat” më
qesharake të tij, ku ndër të fundit ishte thirrja në Parlament ‘ik o rrot k…!’
ndaj kundërshtarit të tij.
Anxhelas dhe korporatave gjermane apo shumëkombëshe me
rrënjë në Gjermani, ju intereson një Ballkan i qetë edhe pse I drejtuar nga
hajdutë dhe mafiozë. Eshtë politika e fitimit të lehtë, dhe që në vendin tjetër
ka “partnerë‘ peqelepistat e korruptuar. Në zjarrin e rritjes të lëvizjeve
anti-Bruksel(dje hungarezi nacionalist fitoi sërish) dhe të rrezikut të shkërmoqjes
të “binasë“ Paneuropiane, Gjermania do të ketë përballë politikanë dhe popuj të
nënshtruar. Sigurisht që CDU dhe Merkel nuk janë e gjithë Gjermania, por
spektri i sotëm politik gjerman është i vetmi i qëndrueshëm dhe me prirje të
forta europianiste. Arsyet nuk ka nevojë të përsëriten. Në gjithë vendet e
tjera të mëdha europiane, ka të ngjarë që partitë e “establishment” të humbasin
dhe kjo do reflektohet në ndryshime dhe në cënimin e rolit udhëheqës të
Gjermanisë.
Ndaj gënjen Anxhela!
No comments:
Post a Comment