Shqiptarë mos ju besoni teorive të skenarëve për përmbysjet!

Shumë vite më parë, një moshatar i imi në atdhe, që nuk lexonte dot libra se i krijonin një lloj enjtjeje të kokës, më tregonte se si beheshin skenarët e përmbysjes së regjimeve, të ndryshimit të qeverive, puçeve dhe revolucioneve. Ishte funksionar i lartë në një parti të vogël dhe fliste me një bindje të admirueshme, të krijuar nga bisedat kafeneve me politikanë më të lartë. E dëgjoja veresije, se nuk doja t’i thoja “Leri këto marrëzira se di ca më shumë se ty nga kjo botë!” Nuk më vinte mirë t’ja menderosja.

Në Shqipëri ka dhe shumë “kompetentë“ të tjerë të tillë, që mund ta kenë edhe nga përzjerja në politikë, por dhe nga leximet e tepërta të librave me teori konspiracioniste. Tipik është Fredi i Pekas nga Korça,(ka qënë edhe deputet) ose si e njohin teleshikuesit shqiptarë, Alfred Cako.

Ka dhe plot të tjerë, ku shquan avokati Goxhaj me teorinë e zbrasjes së Shqipërisë për t’u transferuar hebrejtë, kur të mos “dajandisin” dot në Jeruzalem.

Duhet ta dimë dhe ta pranojmë, se edhe pse kanë shumë personel, shumë mjete monetare dhe shumë ambicie, nuk ka shërbime sekrete në botë dhe as llozha masonësh, që të jenë në gjendje të hartojnë skenare për çdo vend dhe çdo situatë, që të lëvizin fatet e njerëzve dhe kombeve sikur të ishin në një teatër marionetash. Edhe pse mund të ndikojnë, ndonjëherë edhe në mënyrë thelbësore, përsëri janë vendasit dhe jo të huajt, që sjellin ndryshimet politike , qeveritare, madje dhe revolucionet kudo.

Idiotllëku i “konspiracionistëve” shpesh ju shërben politikanëve të djallëzuar dhe korporatave për të krijuar një lloj tregimi, se “çdo gjë është e paracktuar dhe ju njerëz nuk bëni dot gjë!” Për fat të keq ka shumë njerëz që i besojnë dhe paralizohen.

Nuk ka asnjë skenar të përgatitur askund për atë që po ndodh në Shqipëri!

Një klasë politikanësh hajdutë e shpunë gjendjen ku s’mban dhe njerëzit u ngritën.

Asgjë më shumë se kaq!

Për ty që dënon dhunën e protestuesve

Ti nuk e dënove dhunën që ushtroi ky KM për kanabizimin e Shqipërisë.

Ti nuk e dënove dhunën ndaj Legjislativit dhe Gjyqësorit për të dënuar Saimir Tahirin vetëm 2 vjet.

Ti nuk dënove dhunën për të ndryshuar Kushtetutën pa pjesëmarrjen e Opozitës.

Ti nuk dënove dhunën ndaj arkitektëve shqiptarë, kur të gjitha projektet e mëdha ju dhanë të huajve.

Ti nuk dënoveve dhunën me të cilën u prishën parqet dhe u ngritën Kullat.

Ti nuk e dënove dhunën me të cilën u prish Teatri Kombëtar.

Ti nuk e dënove dhunën me të cilën u centralizua pushteti në Tiranë si në kohën e Diktaturës.

Ti nuk e dënove mënyrën e dhunshme si u vodh për incerenatorët dhe tunelin e Llogarasë.

Ti nuk e dënove dhunën që shpie ]mimet e ushqimeve dhe benzinës ndër më të lartat në Europë.

Ti nuk e dënove dhunën ndaj gjykatësve që ju kujtohej ulja e rrogave.

Ti nuk e dënove mënyrën e dhunshme se si u u shit Porti i Durrësit për Alabarin që e la tashmë në mes.

Ti nuk e dënove dhunën që KM ushtron sistematikisht ndaj vartësve.

Ti nuk e dënove dhunën gjatë 5-6 votimeve kur ka qënë Kryemistër.

Ti nuk e dënove dhunën me të cilën nuk e dorëzoi Bela Ballukun.

Ti nuk dënove dhunën me të cilën u shkrinë Bashkitë e vogla.

Ti nuk e dënove dhunën ndaj popullit shqiptar e shprehur në këtë foto por qeshe dhe duartrokite.

Ti po dënon dhunën e protestuesve që është rrjedhojë e dhunës të vazhdueshme për 13 vjet nga Kryeministri më i dhunshëm shqiptar i një niveli vetëm me tre kryeministra të tjerë shqiptarë:

Enver Hoxha, Mehmet Shehu dhe Sali Berisha.

Ndaj mos u shtir sikur je njeri që kundërshton Dhunën!

A është Klementina Prifti patronazhiste, fanatike apo një kriminele e lindur?

Për herë të parë më del në postimet e mija tek FB, një qënie me emrin Klementina Prifti, që mund të mos kishte asnjë rëndësi, nëse nuk do ishte përçuese e një mendësie tepër të rrezikshme në Shqipëri.

Të mbështetjes së krimit qeveritar pa asnjë rezervë.

Qënia Prifti mbron dhunën policore, i quan studentët “uliganë“(se aq shqip nuk di) dhe njëkohësisht flet për “antifat” e Qorrit, Agron Shehajt dhe ndonjë tjetri. Inatin më të madh e ka me “Kërmën”, që me siguri duhet të jetë Berisha.

Po ç’përfaqëson kjo Qënie e Ulët?

Patronazhistët?

Militantët fanatikë të PS-së?

Kriminelët e lindur?

Unë nuk jam në gjendje ta përcaktoj se nuk jetoj në Shqipëri dhe në rrethin që kam në FB nuk kam hasur njerëz që komentojnë me një egërsi bishe si kjo Qënie.

Kur kam jetuar në kohën e Diktaturës kam hasur nga ata , që theshin se kush bënte agjitacion kundër Partisë duhej varur, por nuk ishin të shumtë. Njerëzit i tregonin me gisht si kriminelë.

Por në një kohë të lirë, të lexosh komente të tilla nga një qënie që paraqitet si grua është jashtë çdo kuptimi, që kam unë për shoqërinë njerëzore.

Nëse ka shumë si kjo qënie në Shqipëri, atëhere vërtet që vendi jonë ka një problem jashtëzakonisht të rrezikshëm! 

QitapSurrati, unë dhe Antagonistët

Në fillim të qershorit u rifuta në Facebook, pas një mungese prej 12 vjetësh , me një profil të ri se të parit as ja dija fjalëkalimin dhe mendova se është më lehtë të nis “sënjëzaj”. Shkaku kryesor ishte se doja të ndikoja sadopak në Revolucioni Flamingo, që sa kishte nisur dhe mendoja se 12 vjet ishin të mjaftë për të mbajtur premtimin ndaj një mikut tim, që ma kishte sugjeruar më 2014. Ndoshta se edhe unë, si shumë të tjerë, kam kompleksin e numurit 12.

Pashë se QitapSurrati nuk ishte ai i një kohe të shkuar, kur kishte edhe rrahje mendimesh dhe mund të mësoje shumë gjëra. Ishte kthyer më shumë në një platformë ku njerëzit venë surretër dhe foto nga pushimet, ku njoftohen ditlindjet, varrimet, pagëzimet dhe synetllëqet; me një fjalë një vend virtual ku sundojnë emocionet dhe njerëzit tregojnë sa e duan njëri tjetrin dhe se sa dhimbje ndjejnë, kur dikush humbet gjyshen që po afronte 100. Nuk ka asgjë të keqe këtu, por unë dua të tjera “emocione”. Si më shkrojti një shoqe e fëminisë në publik - “dhe tani nxirre shpatën dhe pri sa majtas dhe djathtas” unë fillova,

(Duhet të rrëfej diçka, që nuk e kam përmendur deri tani se e di që avokati im do e përdorë vend dhe pa vend. Deviza e ime në jetë është “Rixor, ergo sum” që trashë trashë në shqip kthehet “Grindem, pra ekzistoj”)

Pasi pashë se javën e parë asnjë nuk “po ma shkelte brezin”, atëhere rrita numurin e postimeve në një ditë, dëbova ca miq që qenë shumë të butë dhe fillova të hidhja shkrime provokuese. Menjëherë pata sukses. Në dy javë bëra antagonistë rreth 48 serenatistë, dy muzikologë, tre klarinetistë-saksofonistë, një vajzë kantautori dhe dy putana. 56 vetë në 14 ditë nuk ishin keq, por unë synoja më shumë, se e ndjeja që mund të përballoja deri në 165 antagonistë.

Dhe në javët në vazhdim u shtuan gjashtë gazetarë, 4 poetë e gjysëm (njëri është poet part-time), 7 mekanikë me banim jashtë atdheut dhe 8 lënesha. I pangopur ju lëshova klerikëve dhe futa në thes një prift, dy dhjako, një myfti dhe tre dervishë, por nuk isha i kënaqur se synoja të kisha të paktën një peshkop.

Eshtë e çuditshme se nuk arrija të identifikoja patronazhistët. Ata janë vërtet një sekt i fshehtë edhe pse Rama e pranon që ekzistojnë.

Sot bëra antagonist një të njohur, të cilin e kisha takuar për herë të fundit në një autobuz qytetës në Misisaga në vitin 1999. Kiçi Markuçi (markuçi është nofkë, jo mbiemri i tij) në autobus më tha se kishte dëgjuar që kisha blerë shtëpi dhe do hyja së shpejti. E pohova dhe ai i vrenjtur dhe qortues më tha:” Po ku bëjnë këto shtëpitë e Kanadasë o! Këto i merr era.” Unë nuk e kisha menduar këtë të erës, por ishte vonë për të ndryshuar marëveshjen e blerjes dhe i thashë duke mbledhur supet:”E po kur t’i marrë të këtyre vendasve le të marrë dhe timen!” Pas një viti e gjysëm mësova që edhe Markuçi kishte blerë shtëpi, po nuk di në e kishte nga këto të zakonshmet, që nuk i rezistojnë dot erës apo kishte ndonjë të shëndoshë prej betoni.

Kiçi doli vullnetar si antagonist, rreth një komenti që kisha bërë për poetin Vangjush Ziko në një postim të këtij të fundit. Më bënte leckë që kisha përdhosur faqen e poetit, të cilin ai, si Argonaut i Kanadasë e quante Orfe. Duke qënë krejt injorant në këtë çështjen e Argonautëve të Kanadasë, nuk komentova më, por as kërkova të falur. Se si njeri i “grindjes permanente” nuk mund të tërhiqem, se antagonistët e tjerë mund ta marrin si dobësi.

Ndaj u lëshova nga dhoma e grave dhe andej bën antagoniste kollaj sa të shkruash diçka për politikë. Se këto të uruara zonja dhe zonjusha të Mëmëdheut, politikën e dinë në majë të gishtërinjve. (Më të shumtat kursejnë për të vënë nga këto thonjtë fallco dhe gjishtat i kanë tamam për politikë.)

I peshkova dy, por nesër besoj se do ze më shumë.

Rixor, ergo sum. (Vdes për këto latinishkat.)

Protestat, poezitë dhe Argonautët Kris

Në këto ditë protestash në Tiranë, ku duket se do vendoset edhe e ardhmja e një populli, që ka vuajtur shumë, ngarkesa emocionale rritet. Një mikja ime, shumë aktive pro studentëve, arriti mbrëmë në Tiranë nga Torontoja, duke lënë punën, për të qënë në ndihmë të të rinjve që po sakrifikohen.

Nga një emocion i ngjashëm, edhe unë javën që shkoi bëra thirrje mos bëhen postime bosh në këto ditë, por të mbështeten djemtë dhe vajzat në Tiranë, ose të heshtet. Përgjithësisht miqtë e mij kanë reaguar pozitivisht ndaj kësaj kërkese dhe nuk kanë bërë postime nga ato, ku të gjithë vrapojnë të bëjnë “like” se janë “pa zarar”.

Me të njëjtën ndjesi reagova ashpër ndaj një poezie të postuar disa ditë më parë nga poeti Vangjush Ziko. Ja njoh kapacitetin mendor, që ka edhe tani, që është 95 vjeç dhe i kërkova që të thotë diçka në mbështetjen e të rinjve në Tiranë dhe në Korçë, se fjala e tij ka peshë. E di që edhe pse po afron të njëqindat është po aq i qartë mendërisht sa ka qënë në vitet më të mira të tij. Një ditë më vonë ai postoi një poezi kushtuar Flamingove të Tiranës.

Por komenti im nuk i kishte pëlqyer aspak dikujt të quajtur Kris Dini nga Korça, që jeton në Toronto dhe e quan veten se është një nga 55 Argonautët e Kanadasë. Me krenari tregonte se dikur e kishte quajtur poetin Ziko, Orfeun e tij dhe të Argonautëve të tjerë. Gjithashtu më sulmonte për një “patriotizëm cofëtirë“ dhe më quante se po bëja sakrilegj që në faqen e poetit po kritikoja Vangjushin dhe po cënoja frymën qiellore të faqes.

Unë nuk di se kush është Kris Dini nga Korça, por mendoj se duhet të jetë ndonjë Kiço, Kiçi, ose Kiçkë, (nuk përjashtohet mundësia edhe Kreshnik) që duke u bërë Argonaut ndjehet më mirë si Kris. Më solli në mendje edhe një bashkëmoshatarin tim Koço, që kur mbushi 45 vjet në Tiranë, vendosi ta ndryshonte emrin në Gjendjen Civile dhe ta bënte Kris. Nuk ka asgjë për të rënë në sy për mirë a keq në Krisët dhe as në Argonautët, por mendoj që në një kohë kur fëmijëve ju thyejnë këmbët policët duke i rrahur, nuk ka vend për poezi për hir të poezisë apo për mitologji greke.

Por ky është mendimi im dhe ndjeshmërinë ime dhe nuk ka pse ta kenë as poetët dhe as Argonautët.

(Këta të fundit janë edhe të lodhur nga udhëtimi me gjemi për 3333 vjet deri sa kanë mbërritur në Kanada dhe kanë vendosur të quhen modernisht Kris.)

"Diversantja" Eva Dori (fund)

 

(vijim)

------

Po ti ke hall fondacionin apo Fotin

You sent

une nuk di nese ajo e ben, but is capable

Eva

Do kishe ardhur do ishe kenaqur

You sent

une nuk kam asnje hallEva

Eva

Erdhi pagoi e iku

You sent

une nuk pelqej mashtruesit

Eva

Une kam respect per ju

You sent

tel se nuk kam sh kohe

Eva

2674446262

Phone number

(267)444-6262

You sent

jam ne aeroport ne huson dhe ngutem

mbase flasim nje here tjeter

por Fotin kur ta takosh puthe ne te dy faqet edhe per mua

------

Këtu u mbyll këmbimi në FB me gazetaren (gjithnjë duke marrë të mirëqënë që ishte Eva Dori) dhe mbylla lap topin dhe u nisa për në terminali, ku do merrja avionin tjetër për t’u kthyer në Kanada. Eva Dori nga Përmeti më telefonoi dhe më tha që kujdesej për një plakë, diku në një shtëpi pleqsh, ku ishin në përgjithësi njerëz të varfër. Vazhdoi të më pyeste rreth Fondacionit të Fotinisë duke këmbëngulur, që nuk po i jepja asgjë. I përsërita, që nuk kam se ç’të të them, se nuk di më shumë, por në opinionin tim ka diçka që nuk bie erë të mirë në të gjitha veprimet e Allteni Kokerit, që ajo i paraqet me video dhe foto në platformat sociale. Përfshirë jetën e saj private.

Më pas Eva Dori nisi të sillte në bisedë një fondacion në Boston të specializuar për kancerin duke më thënë, që ata e kishin lidhur me Fotininë. Diçka dija për veprimtarinë e tyre dhe për ndihmat në Spitalin e Korçës në bashkëpunim me Kokerin dhe i përmenda që të dy organizatat bamirëse kishin gabuar që në kohën e Revolucionit Flamingo bëheshin patericë e qeveritarëve hajdutë shqiptarë dhe nuk përmendin se ndihmat që po jepnin ishin rrjedhojë e boshllëqeve që linin ata që përgjigjen për sistemin shëndetsor në Shqipëri. Në atë pikë Dori më tregoi që kishte qënë në të njëjtën kohë në Kukës dhe në Korçë dhe fondacionet e kishin ngritur zërin kundër qeveritarëve. Pasi e pyeta se pse kishte qënë më tha në cilësinë e gazetares, por ju shmang pyetjes se a ishte Fotinia që kishte paguar për udhëtimin e saj.

Duke vënë në dyshim se përfaqësuesit e fondacioneve, që kishin pozuar me partiakët e PS dhe me drejtuesit e spitaleve kishin përmendur kusuret e qeverisë, i kërkova që të më dërgonte ndonjë video që e vërtetonte këtë dhe ajo si gazetare që mbulonte ngjarjet e kishte. U mbllaçit dhe më pas këmbënguli që t’i jepja fakte për Fotin. Nuk njihesha me Eva Dorin, sa t’i tregoja atë anekdotën e “faktit”, por i thashë që vetëm kaq di dhe këto janë këshilla të dikujt që jeton prej vitesh në Amerikën e Veriut. Më pyeti për vitet në emigracion dhe pasi i thashë, që kisha 29, m’u kthye duke më telendisur që edhe pas kaq vitesh unë kisha xhelozi për shqiptaret e suksesshme dhe përcillja energji negative. Kur e kundërshtova se kjo nuk kishte të bënte as me zili dhe as me energji negative, shtoi se unë isha një plak i rrjedhur, një psikopat, që sa të mbështesja gratë që dëfreheshin për “tetorin rozë“ bëja komente negative. Shtoi edhe se do vinte gratë e Filadelfias të më telndisnin në FB, si dhe do më denonconte. Pas kësaj të denoncimit, i thashë që bashkë me materialin denoncues të merrte edhe një brisk dhe ja mbylla telefonin. Dërgoi edhe një mesazh tjetër kërcënues dhe u zhduk!

Eshtë e natyrshme, që mos ndjehesh mirë pas një bisede telefonike të tillë, sidomos kur je i lodhur në një aeroport dhe pret avionin. Blojta në mendje se cila ishte arsyeja e këtij ndryshimi diametral nga dikush që kishte respekt tek dikush që do më denonconte. Dhe nuk e dija përse do më denonconte.

Pa arritur në përfundim, pashë pak në google se a ishte një person i vërtetë apo jo Eva Dori. U shfaq në shumë materiale një gazetare që kishte bërë shumë veprimtari në Filadelfia dhe që kishte marrë edhe çmimin “Nëna e vitit”

Po pse kjo gazetare, duhet të niste urtë e butë, të më pyeste mbarë e prapë për Kokerin dhe në finale të shpërthente në një kreshendo fyerjesh dhe kërcënimesh?

C’farë tela emocionale pat prekur komenti im për postimin e Fotit dhe më pas këmbimet në FB dhe biseda në tel, e cila ishte në të njëjtën linjë?

A “ngjyhet” nga pak edhe Dori në këto shpenzimet e Kokerit, që nuk ka se kush i kontrollon veç Bordeve të Fondacioneve Kosloski, ku ajo ka vënë njerëzit dhe miqtë e saj?

Të gjitha këto janë supozime të mijat, që vijnë nga “ngasja ku më shpie Djalli” kur dëgjoj për Fondacione Bamirëse dhe Pastorë Evangjeliste. Ja që nuk i shmangem dot paragjykimeve.

Por nuk janë dhe aq idiote si deduksione edhe pse mund të jenë të ekzagjeruara. Por më duhet të pranoj, se nga Fotinia nuk kam pasur asnjëherë fyerje edhe kur i dërgoj në e-mail shkrimet e mija pakëz djegëse. Ndaj nuk mund ta akuzoj se përdori “mashën Dori” për të më kërcënuar.

Gjithsesi ata që nisen për të kërcënuar dikë kanë diçka të rëndë në ndërgjegje. Edhe pse me të drejtë (sipas tyre) mund të thonë “po ky ç’m..ka?”, “po i prek njeri paret e tij?”, “ky nga Kanadaja ç’ka me gjiret e grave të Amerikës, që duhen mbrojtur nga Foti?’ dhe shumë pyetje të tjera të tilla.

Po vërtet ç’më duhet mua?

Përgjigjen ma jep avokati im, kur ja bëj këtë pyetje paksa retorike:

“Se e ke hyq që nuk rri dot pa u grindur dhe ku gjen njerëz të gatshëm për sherr, ti je atje!”

Duhet të ketë të drejtë se dhe si avokat është bajagi i mirë.

"Diversantja" Eva Dori (3)

(vijim)

Eva Dori vazhdoi me një ton dashamirës për të më treguar se ishte dikush gjithë vlera njerëzore, patriotike dhe organizative. Edhe pse më dukej shumë e dyshimtë, që gazetarja, organizatore e disa festave granore në Filadelfia, ku Kokeri kishte qënë sponsorizuese kryesore, e njihte ve] kalimthi Fotkën, po vazhdoja t’i shpjegoja se në Amerikë dhe në Kanada duhet ditur nga ata që pranojnë sponsorizime, se nga vijnë paratë. (Më poshtë është këmbimi me mesazhe, që për tu bërë i lexueshëm e kam ndryshuar nga formati origjinal i këmbimeve në inbox. Bold janë mesazhet e mija.)

------

Se di … di te them qe tek ne mblodhi grate e u kenaqen aq shume

You sent

ju ngjit vite me pare nje cifuteje te pasur dhe trashegoi menaxhimin e fondacioneve

Eva

Nuk kemi nevoje per te ngrene

Por te mblidhemi

Te dime sa jemi ku jemi

You sent

ajo ben shume per shume njerez prandaj dhe i mblidhen rrotull

por nuk eshte Filantrope si hiqet

manaxhon nje fond

Eva

Per ate zot ne Philadelphia e beri

Cfare interesi kishte ne Philadelphia

You sent

dhe nuk ka as arsim dhe as ka punuar ne Shqiperi dhe USA

Eva

Gati 230 gra

You sent

initeresi i saj eshte te perdore parate e fondit

dhe te ndjehet si demi god

Eva

Fondi eshte shqiptar?

You sent

Jooooooooooooooooo

Eva

Leket e kujt po perdor ajo

Se po me habit…

You sent

ata e perdornin per te shpetuar taksat dhe vdiqen

cifutes te fundit Foti ju ngjit dhe 4-5 vitet e fundit i sherbeu

kjo eshte Historia

mund ta lexosh ne web site te saj

Eva

Po mire .. perderisa po I perdor per Shqiptaret

Per mua si gazetare eshte ok

You sent

gjysme e se keqes

Eva

Ndihmo 20 gra konkretisht ketu ne Philadelphia

Me kancer

You sent

por nuk eshte e vertete nje dhe njerez si ajo mund te bejne cdo lloj abuzimi

Eva

Se di per abuzim…

You sent

ne Amerike 1 ne 3 fondacione abuzon

nga larje parash te pista e te tjera

------

(vijon)