Janë tre shkrime në dy ditë, të cilat ndoshta i kam lexuar
në të njëjtën gazetë(Tema), që bien një erë të keqe nacionalizmi.
I treti ishte nj shkrim që asnjë gazetë pak e përgjegjshme
duhet ta botojë dhe kishte të bënte me vrasjen në burg nga gardianët grekë të
një të dënuari shqiptar, i cili kishte vrarë disa ditë më parë një shokun e
tyre gardian burgu. Autori është dikush, që nuk ja vlen as ta zesh në gojë, se
nëse nuk është i sëmurë psiqik, duhet të jetë mishërimi i kafshërisë, por e
keqja është se në gazetë ishte si Kryeartikull (editorial).
I dyti ishte një intervistë e Fatos Klosit dhënë medias
shqiptaro-amerikane, ku mesh shumë “sekretesh” ishh shefi i Shërbimit Sekret,
nxirrte edhe rrezikun që kishte Kisha Ortodokse Greke për Shqipërinë, i cili
për të ishte ku e ku më shumë se rreziku i terrorizmit islamik.
Për intervistën e Klosit ja vlen të ndalesh(nëse Baze e ka
botuar pa bërë ndryshimet që do), se jo vetëm ai di gjëra, të cilat pak
njerëziI dinë, por edhe ka qënë pedagog në Shkencat e natyrës dhe nuk mund të
quhet një njeri me intelekt të gjymtë. Klosi dëshmon, që Kisha ortodokse
Shqiptare dhe kreu i saj dhe bashkëpunëtorët e tij kanë qënë në një survejim të
vazhdueshëm nga Shërbimi Inteligjent i joni, për të mbrojtur interest e vendit!
Dhe për rrezikshmërinë e Kishës greke ai përmend investimet nga Greqia për
ndërtimin e kishave dhe veprimtarive të tjera fetare, të cilat sipas Klosit
kanë qënë nga fondet e Europës që merte Greqia. Gjithashtu mbështetjen e plotë
të Qeverisë greke ndaj Kishës Ortodokse dhe presionet e saj ndaj shtetit
shqiptar duke përmendur veton në për hyrjen në NATO ose në Komunitetin
Europian, i shihte jo vetëm si ndërhyrje flagrante por edhe si rrezikshmëri për
tërësinë tokësore të Shqipërisë.
Unë e kam të qartë futjen e hundëve të politikanëve grekë në
punët e vendit tonë. Por është e çuditshme që Klosi nuk përmend ministrat
shqiptarë, që kanë qënë njerëz që raportonin çdo gjë që diskutohej në mbledhjet
e Qeverisë Shqiptare. Nuk përmend politikanët shqiptarë të korruptuar nga
shteti grek dhe kompanitë greke. Vetëm në tregun bankar të Shqipërisë 30% e
zenë bankat greke. Në rast se sistemi i tyre financiar, shumë i paqëndrueshëm,
shkon drejt kolapsit, pasojat në buxhetet e familjeve shqiptare do jenë
dramatike. Nuk arrij të kuptoj se si ndërtimi i kishave ortodokse me para të
ardhura nga dhurues grekë apo nga fonde europiane, mund të jenë më të
rrezikshme për vendin se sa shokët politikanë të Klosit.
Shkrimi i parë, ishte një lajm që më bëri të qesh, se bënte
fjalë për Marëveshjen e partisë joekzistence të Ngjelës, me Lëvizjen
nacionaliste të Kreshnik Spahiut. Edhe pse askush nuk I merr më seriozisht këta
pseudo-politikanë, bie në sy se marëveshja është bërë për Interesat e
Shqipërisë(Ngjela ka shpikur një marrëzi të re, se thotë që jemi për një
Nacionalizëm Elokuent) dhe e dyta është mbështetja e plotë e politikës
Amerikane në Ballkan!(Jo politika e Bashkimit Europian.) Nuk do isha marrë me
këtë karagjozllëk të dy të dalëbojëve, por dy shkrimet e tjera më bënë të
dyshoj se në Atdhe fryjnë nga Gjirizet Nacionaliste erëra të ndyra. Kjo ndodh
shpesh në kohë krize dhe e shoqëruar me përparimin e një Partie Fashiste si
“Agimi i Artë“ dhe me çoroditjen dhe rritjen e agresivitetit të Erdoganit, si
dhe papunësinë e madhe tek të rinjtë në vendet e Ballkanit, mund të sjellë
rritje të panevojshme të fërkimeve ndërmjet popujve fqinjë.
Eshte pikërisht ajo që duan të gjithe politikanët e
korruptuar dhe të papërgjegjshëm në këto vende. Për fat të keq, zërat e
arsyeshëm dëgjohen pak , ose kanë frikë të shkruajnë se i akuzojnë për
antishqiptarizëm.
Një kriminel shqiptar vrau një nëpunës të shtetit grek dhe
disa nëpunës kriminelë grekë u hakmorrën ndaj tij në mënyrën më të poshtër. E percoll[m
me flamur dhe Mediat reaguan me papergjegjshmeri.
Një ish- Kryespiun quan kreun e një bashkësie fetare më të
rrezikshëm se politikanet e korruptuar dhe te shitur.
Dy “laspangjyrë“ të vetquajtur politkanë, kërkojnë të
ngjallin nacionalizmin pro-turk.
Le të shpresojmë, që
është thjesht rastësi.
No comments:
Post a Comment