Perse shkruaj ne Blog?

Eshte nje pyetje qe me kalon here here vetetimthi, kur nuk jam duke shkruar. Ose me mire te them, kur jam ne makine dhe mendoj te shkruaj dicka. Perse shkruaj ose me mire perse nuk heq dot dore nga e llapura?

Duhet te kete nje ose disa spjegime, per kete lume postimesh brenda tetorit. Pa i pare se c'jane, e di qe jam hedhur nga "kujtimet e rreme" te T.Lacos, ne Amerika e Obamas dhe kriza e sotme, pastaj i jam rikthyer historise tone e kam shkruar pa ja patur idene per rrondokoponin Xoxe, kam persiatur "percart" rreth shkollave ne bote dhe heqjes se tyre dhe se fundi kam nisur nje liste te gjate pyetjesh per sho Enver.
A vjen kjo se nuk kam nje bashkeshorte, te ciles t'ja tregoj ne shtrat brockullat qe me shkojne ndermend? Edhe mundet. Ndonese si zor te gjendje dikush qe te degjonte me koken ne jastek listen me pyetje per Enverin tone. Normalisht do te thoshte"Po ty c'te duhet kjo liste? Shiko me mire te besh listen e ushqimeve qe na duhen kete jave e te shkosh t'i blesh."
Edhe cupave nuk kam si t'ju tregoj as per Dullen e as per listen, se jo vetem qe nuk jane shume kureshtare per te kaluaren e lavdishme te Atdheut, por kane shume boshlleqe dhe do fillojne te pyesin: Kush eshte Nexhmija? Pse kishim ne miqesi me Kinen qe ne kohen e Xhingiz Kanit? ose -Enver Hoxha me Saliun nuk jane kusherinj he? Kjo do me detyroje te le biseden ne mes, ose te rikthehemi ne diskutimin -perse nuk bashkohet Kanadaja me Ameriken.
Mbetet t'ja rrefej mamase, por edhe asaj duhet t'i gjej kohen mes telenovelave, keshtu qe mbetem pa alternativa. Ose me mire mbetem me dy. E para, qe eshte me e veshtira, te heq dore nga e Llapura dhe e dyta dhe me e lehta e pa kosto- te shkruaj ne Blog. Avokati im, qe qysh prej kthimit nga Berlini, nuk me tregon me per aventurat e tij, mund te kete edhe ndonje alternative te trete, se zaten avokatet per kete pune paguhen. E megjthate edhe ai ka preferuar te heshte. Si duket sa me shume qe une "llap" aq me teper probleme ligjore mund te me hapen dhe atij do i shtohet puna.
Eh, Bote e Sinferos!, do shtonte Sofoja, ne nje nga pushimet e reklamava ne mes te telenoveles.