Mbas shumë vitesh largimi nga Atdheu, një pjesë të emrave të
personaliteteve të të kaluarës më janë përzjerë në kokë. Dhe duket se kjo nuk më
ndodh vetëm mua, por edhe shumë njerëzve të tjerë, përfshi gazetarë në Shqipëri,
të cilët psh në vend të vendosnin fotot e Feçor Shehut, me rastin e shpalljes së
tij “Qytetar Nderi” i Ballshit, vinin fotot në gjyq të Hito Cakos ose ndonjë
ushtaraku tjetër. Po nuk i bëj me faj se gjatë 45 viteve të Diktaturës, ka
pasur aq shumë personalitete me rëndësi, sa në kokat tona janë bërë çorbë emrat
Teme, Sulo, Vito, Hito, Muho, Mehmet, Koçi, Koço, Hamit, Tefta, Liri, Lume,
Todi, Tuk, Haxhi, Sano, Shefqet, Shane. Me siguri do ketë pasur edhe Shenka.
Nuk e di se si u përjetuan në Atdhe nderimi i Feçor Shehut
dhe dekorimi i Vito Kapos, por edhe në se ka pasur zëra të pakënaqurish, them
se njerëz që nuk kënaqen kurrë ka pasur edhe do ketë. Mua më duket një hap para
drejt paqes dhe vëllazërimit të plotë të njerëzvë në atdhe. Ato, që ikën, ikën.
Tani le të bashkohemi.
Në këtë kuadër është mirë të dekorohet edhe shoqja Shenka,
edhe pse nuk jam i sigurt se një personaitet i tillë ka ekzistuar në kohën e
Diktaturës.
Shoqes Shenka mund t’i jepet për shembull titulli “Qytetare
Nderi” e Maliqit, ose pse jo edhe e Korçës. (Nuk di pse më shkoi ndërmend
Maliqi, a mbase nga Kombinati i Sheqerit dhe ëmbëlsia e shoqes Shenka.)
Korça ka qënë gjithnjë në pararojë të ngritjes së grave në përgjegjësi
në kohën e Diktaturës. Mos harrojmë kontributin e padiskutueshëm të shoqeve
Cele, Eli, Filla, Alije e sa të tjera.
Edhe sot Bashkia vazhdon me të njëjtën frymë të vënies në përgjegjësi
të grave të zonja të tipit Shenka. Ndaj fare mirë edhe vetë shoqja Shenka(nëse
ka ekzistuar) mund të shpallet “Qytetare Nderi” e Korçës.
Korça ka nevojë edhe për një nder të tillë!
No comments:
Post a Comment