Dua t’ju them ato që ndjej
Dhe të vërtetat që di.
Me rrëfime të gjata nuk mundem
As me të qarta dhe të shoshitura hulumtime.
Më lodhin,
Më venë në provë durimin,
Më tremb e
ftohta saktësi.
Ndaj me të butin çekan
Rimave godas,
Për t’i dhënë bukurinë e këngës,
Të akulltit fakt
Dhe therrëses dhimbje.
Në tisin e mjegullt të metaforave
Ngjyrën tuaj dua të gjeni
Dhe mos mendoni për mua,
Por atë ç’ka është brenda jush,
Për brengat që mbartni qysh në lindje.
No comments:
Post a Comment