Iguana

Dje erdhe më e rritur,

Me të gjatin bisht dhe me të gjatë gjuhë,

U përzjeve në tonat mendime

Për të kapur mes tyre insekte.

Por në të vrullshmet tona ndjenja,

Në trazimin e shkumëzuar të ideve,

Nuk gjete.

Sot ke ardhur pas udhëtimit në kohë,

Më e brishtë

Dhe më e mitur,

Nën një të blertë të ndritshme,

Si posa e dalë nga e Vogla Havana

Dhe prehesh pas një të shpejte mambo,

Me sytë e mëdhenj përgjon,

Sa të vërteta janë buzëqeshjet.

Ti, e vogla iguana.

Ne lakuriqësinë më shumë se trupave

Shpirtrave kemi.

Ti kthehu edhe nesër, edhe larvë,

E në mikrobotët midis nesh kërko!

Të duam edhe ty reptile e panjohur,

Dhe nuk e di përse,

A ndoshta se marrëzisht e dua dhe më do.