Leri të vdekurit të prehen të qetë
Jo pak hoqën viteve në këtë jetë
Të gjallët me të gjallët le të përzihen
Të fjeturit janë atje, në botën e vërtetë.
Për ato që bënë, nuk duhet më dritë
Në të plakur ikën, apo shpejt në të ritë,
Në paqe le t’rrinë, ata dinë misteret
Të gjallë duroni, do i nxëni një ditë.
Dhe ai që në vargje solli veç mjaltën
A ai, që mrekulli gdhendi me daltën
Bashkë në vallen e hijeve me atë janë
Për të cilin thonë:“Mbuloi balta baltën!”
No comments:
Post a Comment