Shumë vjet kaluan, sot u bënë dhjetë
Që kur Bashkin’ morrëm, “oh sa e përpjetë!“
Cdo gjë keq e gjetëm, ishte lemeri
Veç me punë e bëmë, i vum’ gjoksin vetë.
E kujtoni sheshin, me Bankën në fund
Gjë më të shëmtuar, nuk gjeje kërkund
I vumë në mes një Kullë Vojtuese
Hip edhe qytetin ta shohësh pa mund.
Hip edhe përreth shfaqet Panorama
Poshtë do shikosh kavalierë e dama,
Si le gjë Eifelit, plus që ka dhe “RED”,
Këtë vetë e tha, kryeministri Rama.
S’mund ta linim Korçën, të vogël, qymez,
Nëpër botë dolëm, të mblidhnim idera
Dhe këtu e sollëm, kopshtin japonez.
Bëmë dhe diçka, s’e ka bërë kush tjetër
Me themel ujdisëm Pazarin e Vjetër
Tani për tani është i
tëri bosh, por shpejt
Investuesët e huaj do vijnë patjetër.
Një për një i mbajtëm zotimet e mara,
Opozitës n’gozhdë i ka ngecur sharra
Kur nga rrethet vijnë dhe me ne habiten
Ju themi ne: “Korça, veç një hap përpara”.
Si i pamë ndërtimet, që qen’ të hairit,
Do ta rregullojmë dhe Kullën e Hirit
S’ka tani evgjitë, ne ju themi romë
Do ju bëjmë Kullë, beton prej më t’mirit.
Do jemi me vite në krye këtu
S’do lemë pa luajtur, gur , lulishte . dru,
Kur t’i mbarojmë do i nisim nga e para,
Le t’na quajn’ laraska, që shkojm’ hu më hu.
No comments:
Post a Comment