Friday, 12 August 2022

Trishtim topitës

Dikë vrasin në një fushë larg,

Një tjetër godasin me të mprehtë teh,

Dikujt i kanë rrëmbyer lirinë,

Një vajzë e vogël nuk sheh.

Ngujuar në vetminë mbytëse,

As fjalët që shkruaj,

As tingujt që dëgjoj,

As ngjyrat që më shfaqen

Nuk më çojnë dot tej.

Edhe lotët nuk rrjedhin vetëm në dy sy!

Dua të të kem pranë,

Të lotosh me mua,

E më pas të thuash

“C’do gjë është ok!”

No comments:

Post a Comment