Rama ka ndërtuar pushtetin e tij mbi një “pemë“ me rrënjët dhe trungun në Partinë e Punës, me strukturën korruptive të huazuar nga Nano, por më të sofistikuar, të cilëne ka quajtur “Rilndja”. Pas fitimit të zgjedhjeve të këtij viti u duk se ai mund të ishte i qetë për katër vite të tjera mbi degën e “Rilindjes” dhe të gëzonte të mirat që sjell pushteti i pakufizuar. Me eufori kjo u manifestua edhe në Kongresin e PS-së të mbajtur në qershor në Stadiumin Kombëtar.
Ka shumë njerëz në Shqipëri, të cilët nuk kuptojnë se si ka
arritur të mbetet për 12 vjet në majë të pushtetit një politikan aq i korruptuar
sa Rama. Spjegimet janë nga më të ndryshmet, prej vjedhjes së votave,
komploteve të Sorros-it, korruptimi i europianëve dhe ç’turli lloj idesh që
pjellin mendjet tona komplotiste ballkanike të deformuara gjatë Diktaturës, kur
çdo gjë bëhej nga një grup rreth Enverit.
Rama ka arritur të “verë
në zap” partinë me elektoratin më të madh në Shqipëri dhe është treguar i gatshëm
ndaj amerikanëve se do bëjë çdo reformë që i kërkohet.
Por gatishmëria ndaj amerikanëve, sidomos ajo e lidhur me
Reformën në Drejtësi, që ka qënë fokusi i amerikanëve tash e pesë vjet është një
thikë me dy presa. Rama ka qënë po aq i prirur sa Berisha dhe Meta për të mos
ecur Reforma në drejtësi, por ndryshe nga ata ai nuk e pengoi hapur dhe me
veprime. Shpresa e tij ishte se mund të shtinte në dorë në mos plotësisht, por
të paktën pjesërisht institucionet e ngritura për luftën ndaj korrupsionit dhe
të bënte me to goditje të përzgjedhura.
Por shishja nga dalin djajtë edhe nëse nuk është plotësisht
e hapur nuk është as hermetike. Ndaj pasi mori lajmin e keq të shpalljes “non
grata” të Berishës, tani objekti i goditjes së Drejtësisë nuk mbetet tjetër veçse
“dega e Rilindjes” ku ka hipur Rama. Publikisht ai përsëri po përpiqet ta përshkruajë
si fitore të PS-së, por në të vërtetë e ndjen se laku po i ngushtohet bashkëpunëtorëve
të tij deri sa të afrohet tek ai vetë. Një gjë e ka të sigurt se amerikanët kanë
durim dhe arrijnë atje ku duan.
Edhe pse pas katër vitesh, kur ambasadori amerikan i asaj
kohe Donald Lu kërkonte kapjen e “peshqve të mëdhenj”, kjo nuk ka ndodhur
akoma, arrestimet e javës së kaluar tregojnë se “premiera” e korrikut do përsëritet
në gusht dhe në vjeshtë. “Rilindasit e Ramës” do shkojnë një nga një para drejtësisë
dhe edhe nëse nuk do dënohen të gjithë, ka për tu konfirmuar se e gjithë lëvizja
ishte kapja e pushtetit nga një grup hajdutësh me një grykësi të paparë.
Rama po mendon gjatë për lëvizjen e rradhës, por nuk ka për
të shkëlqyer se edhe si shahist është më poshtë se mediokër. Tani ka prerë
padashje një pjesë të degës ku ka hipur.
No comments:
Post a Comment