Lulet e malit natën mbyllen,
Si vajzat e turpshme në dhomat e tyre.
Thellë në gji mbajnë mesazhet e ditës,
Të dërguara nëpërmjet bletëve,
Si dikur,
Virgjëreshat
Letrat e dashurisë mbanin mes fletëve,
Të librit të preferuar.
Dhe më pas i rilexonin
Mallëngjyer
Duke i fshehur vetes dëshirat e trupit.
Njëlloj si mbyllin petalet
Këto lule mali pas muzgut.
No comments:
Post a Comment