Na mbyten fshataret!

Kam harruar nese kam shkruar me pare(dhe kur them me pare, jo me larg se 5-6 muaj) rreth ketij refreni qe degjohet shpesh ne Shqiperi. E megjithate, le ta perseris. Nuk besoj se do kundershtoj ato qe kam shkruar ate kohe.
-E ku ka mbetur korcar tani! Na mbyten fshataret! Juve iket te tere!- te thote me keqardhje nje i njohur dhe shpreh me disa fjali bjerrjen e qytetit dhe kultures se tij. Ti qe vjen nga nje vend i larget dhe ben pjese ne ata "qytetare", te cilet jane larguar, ndjehesh i perkedhelur ne seder. "E ikem ne dhe shiko se si katandisi!" ithua vetes duke harruar dy gjera me rendesi. Qe gjithnje ka qene si mos me keq dhe qe vete ke nje origjine jo te larget nga fshati. Per me teper, ai ose ajo qe ta ka thene, ka te nje origjine te ngjashme me ty dhe mezi e mbaroi te mesmen kur shkollohej. Por eshte qytetar dhe i vjen keq qe qyteti i tij po shkaterrohet nga fshataret!
Ne Tirane, e njejta gje degjohet ne cdo hap, se te gjithe kane harruar, qe Tirana ishte 15 mije banore me 1938 dhe ne 50 vjet u njezetfishua. Sigurisht qe me njerez te ardhur nga fshati. Tradicionalisht, ne filllimin e shekullit te XX dhe me pare, 90% e popullsise shqiptare ishte fshatare.
Po c'te keqe ka nese njerezit qe jane lindur ne qytet ankohen, se shume gjera po prishen nga ardhja e atyre qe deri dje jetonin ne fshat dhe ne fshatra te prapambetur?
Ka disa te keqija.
E para eshte qe ne nuk e kerkojme fajin ne vetvetja po mundohemi ta gjejme tek te tjeret per cdo gje te pakendshme qe ndodh.
E dyta eshte prirja per stanjacion. Tendenca e migrimit te popullsise nga nje vend ne tjetrin(brenda te njejtit shtet)ka shume te mira. Pjeset e popullsise qe zhvendosen kane energji te jashtezakonshme. Kane nevoja te medha. Jane te prirur te punojne me shume se ata qe jane te stabilizuar. Edhe kur emigrojne jashte shtetit, fshataret arrijne te ngrene ekonomine e familjes se tyre me shpejt se qytetaret.
E keqja me e madhe eshte ne carjet e panevojshme dhe artificiale te shoqerise. Ne te gjitha qytetet shqiptare deri ne Luften e dyte boterore, pjesa me e madhe e popullsise merej po me bujqesi dhe blegtori dhe vetem nje pjese merej me zejtari, tregeti ose punonte ne administrate. Kjo ishte Shqiperia jo me larg se 70 vjet me pare. Por tani mund te degjosh ne te gjitha anet "Na mbyten fshataret!"