Grrrrrrrrrrrrrrrrrrrrrrr

TI

Përse më detyron të betohem,

E në gjunjë të bie gjithë përdëllim?

Ti trembesh nëse largohem;

Tmerr ke nga i pashmangshmi afrim.

Vec do të dish a ndjej c'ka shkruaj

Se sytë s'i ke pranë t'i lexosh

Këtë të mësoi dheu i huaj,

"Prek dashurinë, ta besosh".

E unë nuk dua t'ja di për dyshimet

S'dua në më do të di

Tek ti më sjellin agimet

Mbrëmjet më zbresin tek ti.

Mendjen kam lënë të lirë

Për flladet,

            Shirokun,

                         Shtrëngatën

Në gji të të vijë për të pirë

Mes këmbësh të kalojë natën.

Dhe nëse ti e dëbon

Se nuk je e sigurt se të dua

Nga pas ka për t'marë dhe tënden,

Të mbetet gjithmonë me mua.