NE, EMIGRANTET.
Kam permendur ne disa raste, gjerat qe me bien ne sy tek bashkeatdhetaret, kur vizitoj Shqiperine dhe ndoshta duket, se ne, emigrantet i shohim disi nga lart miqte tane qe kane qendruar ne atdhe. Ose se ne jemi xhveshur plotesisht nga kusuret qe kemi patur si shqiptare dhe kemi veshur mantelin e perendimoreve.
Nuk eshte keshtu!
Ne kemi mbetur ata qe jemi, me te mirat dhe dobesite tona, por kemi ulur disa thepa te karakterit(ose me mire na i ka ulur jeta) dhe kemi mare ca tarbiete me te pranueshme ne nje shoqeri me tolerante. Dhe megjithate kemi plot "qyfyre", qe lidhen me formimin tone ballkanas, me kushtet e veshtira dhe ndryshimet qe sjell c'vendosja ne nje vend te ri e te panjohur. Mund te shkruhen libra te tera me "budallalleket" qe kemi bere e bejme nga veshtiresite e pershtatjes ne nje vend te ndryshem nga i joni.
Si karakteristike te pergjithshme kemi "krenarine" tone prej kungujsh, qe e kemi zor ta ulim sepse kemi ardhur ne shumicen e rasteve kunguj te arrire. E kemi pak te veshtire te ushtrojme nje lloj "autoironie", e cila te shpeton nga shume gjera. Bisedat tona prane BBQ-ve, shpesh jane te mbushura me sukseset ne pune, gjenialitetin e femijeve, zonen ku e kemi blere shtepine, vendin ku kaluam pushimet nje javore ne Karaibe(qe gjithnje eshte vendi me i mire) dhe veshjet e firmave, qe i gjetem me cmime shume te mira! Marrezite i tregojme ne ndonje rreth shume te ngushte, ose i mbajme per ti treguar kur te na mbajne pocen ne ndonje shtepi pleqsh. He po, kemi mesuar nga keta mos tregojme rrogen!
Ja psh une, nuk kam rrefyer, qe pasi punova dy jave ne nje linje qe mbushte "gazoza", me ngriten ne pergjegjesi dhe me bene "assistant palletizer". (Kete edhe po ta tregoja ne atdhe do ma mernin si nje lloj grade shkencore.)
Nuk mund te them me saktesi, se c'ju mburremi bashkeatdhetareve tane qe na degjojne gojehapur kur veme ne Shqiperi.( Le qe dhe ata hic s'degjojne gojehapur se i dine te tera.)
Po ve me poshte nje fragment te nje letre, qe nje i njohuri im mori vite me pare nga nje i njohuri jone ne Kanada. E ruaj si xhevair te korrespondences te kurbetit dhe nuk po e ve te tere. Nuk ka asnje presje te shtuar apo te hequr:
"...Vendimet e rendesishme duan mend dhe force te kthehen ne ate realitet me rezultate qe do kenaqnin autoret. Une te kisha thene se per sa kohe do te rrija ketu do te beja maksimumin per te vertetuar se ne nuk jemi te humbur dhe ne nje bote tjeter. Nga rezultati do te varej vendimi per te ardhmen. Profesionalisht arrita te punesohem si Building Inspector dhe By-law Enforcement Officer, ne nje nga Bashkite rrotull Torontos, me objektivin e shpejte te arrije nje vend pune te tille ne GTA. Pervec kesaj ti e di qe une u certificova per gjuhen frenge ne "Aleancen Franceze" vlerat e te ciles ne canada jane shume te medhaja dhe mundesite qe te ofrohen jane te panumurta. Backgroundi dhe kualifikimi inxhinierik bashkangjitur me frengjishten me ka dhene jo vetem kenaqesi personale, por dhe oportunitete nga te cilat rrjedhin shume benefite ne jeten sociale, profesionale, familiare dhe sidomos financiare. Benefite mjekesore te mahnitshme deri ne masazh per trupin..."
- Deri ne masazh per bythen!- tha nje i moshuar qe e degjoi para disa vitesh kete pjese.
No comments:
Post a Comment