Pranverë

Përreth pranverë

Kështu thanë të gjithë

Edhe pse unë dridhem nën lëkurën

Që diku i është shqitur

Një viçi mizorisht therrur.

Ti,

Pret të të dërgoj lulet e para të pranverës,

Që të gjithë thonë se erdhi,

Por unë nuk dua të gënjehemi

Nga lulet e mbajtura prej muajsh

Në ndriçim,

                Ngrohje,

                                Dhe lagështi,

Politikisht korrekte;

Lule pa erë,

Vetëm se të gjithë thonë

Dhe e besojnë të tërë,

Se është zyrtarisht pranverë.