-Pak më lart,
Edhe pak më shumë,
Të thërres
E ti nuk do të dëgjosh ç’them unë.
-Atje është lart
Dhe nuk rri dot më shumë,
Ti ëndërra me syhapur sheh
Ndërsa unë vetëm në gjumë.
-Eja dhe mendo më pak,
Kur ndjen, më nuk flet përçart!
Unë do ngjitem gjithsesi
Dhe do të pres atje lart!
-Në çmendurinë tënde nuk mund të t’ndjek
Edhe pse kureshtja më ndjell,
Tek ditët e mia do rri,
Le të kenë më pakëz diell!
-Eshtë bukur,
Kaq bukur këtu,
Nuk është vetëm dielli pranë,
Janë yjet,
Edhe retë janë
Cdo gjë për të cilën jemi lutur
Na pret në këtë anë.
No comments:
Post a Comment