Se je i zoti dhe i mban zotimet,
Zoti zuzar, i njohur, zulmëplotë.
Në t’ngrohtat netë nuk ndahesh nga dëfrimet,
Lëneshat le të lagura në lotë.
Zoti zuzar, i zbrazët, zëmërgur,
Cullak, felat freskon me fletë fiku
Hareshëm kur harbon haur m’haur?
Ty turpi kurrë s’të ka turpëruar,
Se cipë s’mund të ketë një cipëplasur,
Dërmën i dhe kujt të ka ëndërruar,
Gazin i ngrive grave që ke ngalasur.
Ndaj nuk do ndalem kurre për të të ndihur,
Në t’pafsha përunjur edhe plak,
Mendo sa mijra jetë ke mihur
Zoti zuzar, i zbehtë dhe zbatharak!
No comments:
Post a Comment