Per dore

Ecim për dore,

Në një nga rrugët e pashtruara,

Ku thëngjijtë e shuar të dashurive të përvëluara

Ende tymosin

Acidin e kujtesës

Të avllive mbuluar bore.

Këndojmë një këngë

Me nota pentagramesh spërdredhur,

Si kokrra të posangrira lotësh të derdhur,

Që lehtë godasin

Cipën e ndjeshme,

Posa ka zënë një brengë.

Presim një shënjë

Qiellit të altruizmit tonë

Në këtë mrekulli të ardhur kaq vonë,

Befas të shfaqet,

Tokës ta hedhim

Të lëshojë rrënjë.