Athinë

Mbi këtë mermer të bardhë ëndrrash të vdekura,

Që ndonjë qeparis i blertë e ndërpret

Ditët e mija shterren.

Ditët e mbetura,

Që qiejve prenotova

Përgjunjur i ulur

Në këmbët e të kohëve Mbret.

“Mund të kisha kërkuar më shumë!”

Veten qortoj i pezmatuar,

Dielli i Mesdheut më përkëdhel

Më bën të ndjehem i vogël

Megjithatë i mbrojtur,

    Tmerrësisht i marrë,

        Me jetën i dashuruar.

I çelët dhe i çartur brigjeve bredh,

Me kyçet e skuqura nga të hershmet hekura.

I lirë,

    I lumtur,

        I drojtur vështrimin hedh

Qeparisit të blertë

Mes mermerit të bardhë të ëndërrave të vdekura.