SHKRETETIRA
- Aq shumë të desha,
E ti më shkrumbove!
Më more lëngun e jetës,
Limfën e dashurisë.
Shpirtin imët ma bluajte në rërë
Pafundësisht rërë,
Me tekën tënde të nxehtësisë.
E s'më mbetet veç të gjalloj kur ti ik.
Yjeve t'ju falem,
E të shtriqem druajtur ftohtësisë së natës,
Pa pritur vesën
(E fundit ishte mijra vjet më parë).
Dhimbjen ta përndaj grimcave,
Mos shdëfrej dot duke qarë.
No comments:
Post a Comment