Më vish me të kuqe

Ti thua me të kuqe më vish ,

Në këtë valle bore të bardhë

Të feks mes rrëzëllimit të kristaleve,

Si një shëmbëllim perish,

Të Mesdheut të largët të dukem,

Peritë që ngjiten majave mbi det,

Duke kënduar,

            Shtatpërkundura në rradhë.

Mbi këmishë,

Më pri një pjesë të ngjajë si zemër,

Sa gjoksin që pëlqen ta shohësh;

Dy xinxifilet do të le t’i prekësh,

E me dhelet e tua ti më tej të më joshësh.

Më pas zjarri i shenjtë t’na përfshijë,

Si i ëmbli lëng që del hardhish,

Të puthemi,

            Të dehemi,

                        Të rregëtijmë;

Të gjithën me të kuqe ti më vish!