Mijra,
Miliona pikpyetje prej qiellit vijnë,
Shtrohen mbi mendjen time të turbullt,
E mpinë.
A janë çuditërisht të ndryshme,
Në këtë ditë të ngrirë,
Apo si një togë ushtarësh grumbull,
Me të njëjtat uniforma,
Flokë dhe sy,
Që marshojnë në një ritëm monoton
Një- dy, një-dy, një-dy,
Nga njëra tjetra nuk ndajnë?
Kristale torturuese dhimbjeje
Që pandërprerë godasin
Ndërsa të pres ty
Për të më dhënë të gjithësishmen përgjigje,
Po-në,
Që gjithshka ngron,
Në ngjyra e ngjyen
Dhe nuk ka pikpyetje që ta vrasin.
No comments:
Post a Comment